شعر

 

 

 

عاقیل سرای فانیه مهمان گلیب گئدر

بؤلبول گؤلون حریمینه حیران گلیب گئدر

صیاد اگر داغین دؤشونه سایه سالماسا

 داغ ؛ لاله لرین عطرینه جیران گلیب گئدر

درد وغمین حصارینه اینسان قوجالماسین

حکمتله باخسا دؤنیایا  آسان گلیب گئذر

هر کیم عروسِ غفلته دامادلیغ ایله سه

قیمت لی عمرو  بیلمه سه، ارزان گلیب گئدر

هجران غمینده کلبه ی احزانه گلمه دین

آهیمله ، گؤزلر اؤستونه توفان گلیب گئدر

یوسف لرین جمالینه یعقوب لر یانیب

کنعانه مین جه کلبه ی احزان گلیب گئدر

عشقین سریری نَه ؛  کؤنولو، ائتمه بی وفا

اُؤل بارگاه عرشیوه شیطان گلیب گئدر

سراینده : کبری شریف زادگان